रिमझिम पावसात,
टपोर्या थेंबात,
वाहत्या पाण्यात,
दिसतेस फक्त तू....
सकाळच्या कवडशांत,
दुपारच्या काहिलीत,
संध्याकाळच्या निःशब्दतेत,
जाणवतेस फक्त तू....
निसर्गातही तूच,
देवळातही तूच,
मनाच्या कोंदणातही,
असतेस फक्त तू....
शब्दांच्या चांदण्यात,
संगीताच्या लयीत,
थिरकणार्या नृत्यात,
भासतेस फक्त तू....
माझ्या नसांनसांत,
माझ्या प्रत्येक श्वासात,
हृदयाच्या प्रत्येक ठोक्यात,
फक्त तू फक्त तू ...
Sunday, January 14, 2007
Subscribe to:
Post Comments (Atom)
1 comment:
beautiful !
Post a Comment